O ti nesnaga jedna, kaj se ti stalno zapikuješ u mojega kumeta!!! “Kume, bi šli midva skupa k sv. Antonu, kume, dojdi pogledat rožice na našem vrtu, kume, ja sem već se položila, to je sa drva, dojdi mi ji još nacepat …” Da te ni špot i sramota tako pred semi! Samo se mi ti još jempot pristupi na naša vrata, u mojo kuhinjo, tako kot stalno dohajaš: “Kumica, sfalelo mi je cukra, kumica, imaš ti malo vulja za posodit …” Dala ti bum ja vetra, letela buš van čez zaprta vrata, kuliko si duga i široka!

Nego… kaj si uno rekla, da je čuda razbeljene glav u selu. Znaš, ja sm isto tako nekaj načula zadnjič pri mleku: da se neki u selu izogibado jen drugega, da nekem ni nigdar niš prav, a jeni da so takvi, da nedaj bože, ako ni kaj po njihovo, zakaj unda odma obesido nos do tal.

Nu, kuma, pa dojdi segli kaj k mene, sa valjda nismo pokarane. Sa me dobro poznaš. Ja se hitro razjadim al se i brž pomirim. Baš me zanima, kaj si ti to dočula.

                                                                                         Jedna druga kuma